မြန်မာနိုင်ငံ နဲ. ဗမာ လူမျိုးပါ ၊ ဘားမားရယ်လို.တော့ ဆိုရိုးမရှိခဲ့ပါ

ဒီခေါင်းစဉ်ကို မသွားခင်(မီ)ထုံးစံအတိုင်းပဲ “လူ” ဟုခေါ်တွင်သော “လူ” များရဲ့ ဓလေ့ စရိုက်နဲ. သူတို.ရဲ့အကြိုက်ကို အရင်(လျင်)ဆုံး လေ့လာကြည့်ကြရအောင် ပါလား။ ဟိုတစ်ခေါက်က ရေးထားခဲ့သလိုပါပဲ - တစ်မိသားစုတွင်းမှာပင် သူ.ထက် ငါ တော်ချင်-ကျော်ချင်-ထင်ပေါ်ချင်နေကြတာကလား။ တစ်ယောက်တော်လို. တစ်ယောက်က မနာလို- ဘယ်သူ.ကို ဘယ်သူကမြှောက်- သူ.လောက်မှ ငါမတော်၊ ဘယ်သူ.ကို အစားထိုးလို.-သူ.ဂုဏ်ကိုချိုးရပါ့ -ဆိုတာ ကတစ်မျိုး။ “ငါသာလျှင်မင်းလောင်း -ေ ရွှထီးဆောင်း” ဆိုသူကလည်း “ငါ” ပဲ - ”ဘာရမလဲ လာမကဲနဲ.”- ဆိုတာက တစ်ဖုံ ၊ အို--အမျိုး ကိုစုံနေအောင်ပါပဲ ။ လူတွေ- လူတွေ - လူ.သဘာဝပေပဲလေ ။ ထားပါတော့ ။ ကဲ-- အခုရေးပြချင်တာကတော့ “မြန်မာနိုင်ငံ” က “ဗမာ” လူမျိုးတွေရဲ့ အဖြေမတည့်နိုင်ကြသေးတဲ့ အခေါ်အဝေါ်- အသုံးအနှုံး စကားလုံးနဲ.ပတ်သက်ပြီး လေ့ လာဖတ်-မှတ်ထားမိတဲ့ ဗဟုသုတများကိုအခြေထားပြီး ပြန်လည်တင်ပြသွား မှာဖြစ်ပါတယ်။ အဲဒီ “မြန်မာ နဲ. ဗမာ“ဆိုတာကို ဘုမသိ ဘမသိနဲ.လက်ခုပ် လက်ဝါးတီးပြီး တဟားဟား တဟီဟီး ဖြစ်နေတတ်ကြတဲ့ နိုင်ငံခြားသားတွေကို လည်း သတိထားလိုက်မိပါတယ် ။ အော်--သနားစရာတွေပါ-“သူများယောင်လို. လိုက်ယောင် - အမောင် တောင်မှန်းမြောက်မှန်းမသိ“ ဆိုသလိုပါပဲလား။ တကယ်တော့ “မြန်မာ့သမိုင်း” မြန်မာနိုင်ငံအ ကြောင်းကို တစေ့တစောင်း ပဲ ဖြစ်ဖြစ် နှိုက်နှိုက်ချွတ်ချွတ်ပဲဖြစ်စေ လေ့လာချင်သပဆိုရင်- မြန်မာလူမျိုး-မြန်မာ သမိုင်းပညာရှင်များ ပြုစုရေးသားထားတဲ့ စာအုပ်စာပေများကိုသာ ဖတ်ရှုလေ့လာ သင့်ပါတယ်။ ဒါမှသာလည်း “ မြန်မာ့သမိုင်း စစ်စစ်ကိုအနှစ်ရှိရှိ” လေ့လာမိကြ မှာအမှန်ပါ။ အင်္ဂလိပ်စာမှာ မည်မျှပင် တော်နေ - တတ်နေပါစေ “လူမျိုးခြား” စာပေပညာရှင်များပြုစု ရေးသားထားတဲ့ မြန်မာ့သမိုင်းစာအုပ်တွေကို သွားဖတ် မိပါက နိုင်ငံခြားစာပေပညာရှင်များရဲ့ အာဘော်သည် သူတို.လူမျိုး သူတို.စရိုက် နဲ.လိုက်ဖက်အောင်ရေးထားကြသည်ကိုသာတွေ.ရမည်မှာ မလွဲပါ ။ ဆိုလိုရင်းကတော့ “မြန်မာနိုင်ငံနဲ.ပတ်သက်တဲ့ မြန်မာ့သမိုင်း” ကို မြန်မာပညာ ရှင်များကသာ အတွင်း ကျကျ သိရှိနားလည်ထားကြမှာဖြစ်သော်လည်း“ နိုင်ငံခြား သား စာပေပညာရှင်များ” ရဲ့ အရေးအသားဖေါ်ပြထားတဲ့ အချက်အလက်များက တော့ (အချို.ကဏ္ဍတွေမှာ)အထင်နဲ.အမြင် ပါစင်အောင်လွဲနေတတ်တာတွေ.ရ မှာဖြစ်ပါတယ်။(ကိုယ်တွေ.ပါ- ထိုင်းနိုင်ငံ- နရေစဝမ်တက္ကသိုလ်မှာ ဗုဒ္ဓစာပေတစ် ခုကို ကျမ်းပြုပေးခဲ့ရစဉ်ကပါ-ဗုဒ္ဓသာသနာနဲ.သက်ဆိုင်တဲ့ စာအုပ် စာပေတွေကို စုစည်းလေ့လာရပါတယ်။ မြန်မာဘာသာနဲ.ရေးထားတဲ့စာအုပ်တွေရော- အင်္ဂလိပ် စာပေပညာရှင်တွေပြုစုထားတဲ့စာအုပ်တွေက်ိုပါ-ကျမ်းကိုးအဖြစ်အကုန်ဖတ်ပြီး လေ့ လာခဲ့ရပါတယ်)။ “ မြန်မာအစ တကောင်းက “ ဆိုသည့် စကားကိုလည်း လူတိုင်းပဲ ကြားဖူး နေကြပြီး ဖြစ်သော်လည်း “ဘားမားအစ တကောင်းက“ ဟူ၍ မရှိခဲ့ဖူးသည်ကို လည်း သိထားပြီးဖြစ်ကြပါတယ်။ ဒါ့အပြင် “ ပထမ မြန်မာနိုင်ငံ ကိုထူထောင်သူ အနော်ရထာမင်း ဟူ၍လည်းကောင်း- ဒုတိယ မြန်မာနိုင်ငံကိုထူထောင်သူ ဘုရင့် နောင် ဟူ၍လည်းကောင်း - တတိယမြန်မာနိုင်ငံ ကို ပြန်လည် ထူထောင်သူ အလောင်းဘုရားမင်းကြီး ဟူ၍သာရှိခဲ့ပါတယ် ။ “ပထမ ဗမာနိုင်ငံ - ဒုတိယဗမာနိုင်ငံ - တတိယ ဗမာနိုင်ငံ“ ဟူ၍ဘယ်သော အခါကမှ ဆိုရိုး ဆိုထ မရှိခဲ့ကြတာကိုလည်း အားလုံး သိထားကြပြီးဖြစ်ပါတယ်။ အမှန်ကို သေချာစွာလေ့လာမိပါက “ မြန်မာနိုင်ငံ မှ ဗမာလူမျိုး“ ဟူ၍သာ ဖတ် ရှု မှတ်သားရဖူးပါတယ် ။ (“ကရင်- ကယား- ကချင်- ချင်း- ဗမာ- မွန်- ရခိုင်- ရှမ်း စသော တိုင်းရင်း သားလူမျိုးအများစုဝေးနေထိုင်ရာ ဒေသသည် “မြန်မာနိုင်ငံ“) ပင်ဖြစ်ပါ၏ ။ ‘Union of Myanmar”= “ပြည်ထောင်စု မြန်မာနိုင်ငံတော်“ပင်မဟုတ်ပါလား။ “မြန်မာနီုင်ငံ“ ဟုဆိုရာဝယ် “တိုင်းရင်းသားများ စုပေါင်းနေထိုင်ရာ ဒေသကြီး“ဟု ဖွင့်ဆို နိုင်သော်လည်း“ဗမာနိုင်ငံ- ဘားမား“ဟူသည်မှာ“ဗမာလူမျိုး တစ်မျိုးတည်း သာနေထိုင်ရာဒေသကျဉ်းကျဉ်းလေး“ အဖြစ် “ဗြိတိသျှ ကိုလိုနီ“ နယ်ချဲ.အင်္ဂလိပ် တို.က အတိတ်နိမိတ်ဖြင့် အမည်မှည့်ခေါ်ဝေါ်ခဲ့ကြခြင်းသာဖြစ်ပါ၏။ ”ဘာမား“ သည်မြန်မာနိုင်ငံမှ ဗမာလူမျိုးတို.၏ အမည်ရင်းမဟုတ်ပါ“။ “ကရင်- ကယား- ကချင် - ချင်း - မွန် - ရခိုင် - ရှမ်း”စသည့် တိုင်းရင်း သားများနှင့် တသီးတခြားခွဲထွက်စေရန် တမင်ဖန်တီးလိုက်ခြင်းသာဖြစ်ပါတယ် ။ ရှေးခေတ်ဦးက မစ္ဇျိမဒေသသားတို.သည် သူတို.ကိုယ်သူတို.“အရိယ ဖြူစင်သူများ“ ဟုအမည်မှည့်ပြီး မြန်မာလူမျိုးများကိုမူ “ဗြဟ္မာ မြင့်မြတ်သူများ“သို.မဟုတ် “မိဘ ကြီးများ“ ဟု လေးလေးစားစား အမည်မှည့် ခေါ်ဝေါ်ခဲ့ကြသည်-ဟူ၍ ဓမ္မစရိယ ဦးလှသိန်းထွဋ်၏ “ဗုဒ္ဓ နှင့် မြန်မာ“ စာအုပ်တွင် အတိ အလင်း ရှင်းလင်းဖေါ်ပြ ထားသည်ကို ဖတ်ရှု လေ့လာရပါတယ် ။ “ဗုဒ္ဓသာသနိက ပထဝီကျမ်းကြီး“ ကို ပြုစုရေးသားတော်မူ ခဲ့သော မော်လမြိုင်မြို. -တောင်ပေါက်ဆရာတော် အဂ္ဂမဟာပဏ္ဍိတ - နိုင်ငံတော်သံဃမဟာမာယက - ဝဇီရာဓိကရ ဝဏပါမောက္ခ စက္ကပါလ မဟာထေရ်မြတ်“ က အဆိုပါကျမ်းကြီး၏ စာမျက်နှာ ၂၂၀-၂၂၁ အောက်ခြေမှတ်စုတွင် အထူးပြုဖေါ်ပြ ထားသည်မှာ -- ဗြဟ္မာ- မြန်မာ - နောက် မြမ္မာ ၊ သုံးဖြာရေးနည်းပြား ။ ဗြဟ္မာရေးသာ- ရှေးကျမ်းလာ ၊ မှတ်ပါလူအများ ။ ။ ဇောတိ ဤဟတ် - ကျမ်းရှိလတ် ၊ သိမှတ် ထိုစကား ။ ရာပေါင်းများစွာ - နှစ်ရှည်ကြာ ၊ ဗြဟ္မာ ရေးအသား။ ။ ဟ္မြာပုဒ်မှ - ဗမာပ ၊ ဖြစ်ရ ဤစကား ။ ကျမ်းပါကတ- နည်းသင့်လှ ၊ မှတ်ကြ ဤစကား။ ။ (အခါသင့်လို.- အခွင့်ကြုံပါက ရှေးပညာရှင်၊ကြီးများ၏ ရှင်းလင်းချက်များကို အသေးစိပ် တင်ပြပေးပါမည်)။ အားလုံး ရွှင်လန်းချမ်းမြေ့ကြပါစေ